خاندان کی تربیت کا علمبردار

اسلام ایک مکمل ضابطہ حیات ہے جس میں انسانی تکامل کے مختلف پہلوؤں پر رہنمائی کی گئی ہے۔ ان میں سے ایک تربیتی پہلو ہے جو ابھی تک تشنہ ہے۔ دین اسلام کے قوانین ہر زمانے میں بسنے والے افراد کی نجات کے ضامن ہیں۔ آج کے اس پرفتن دور میں سوشل میڈیا ہماری نوجوان نسل کو تیزی سے اخلاقی پستی کی طرف لے کرجا رہا ہےجس کی وجہ سے جنسی بے راہ روی، اپنے بزرگوں کی بے ادبی، گھریلو مسائل، مسلسل بڑھتی ہوئی ذہنی بیماریاں اور معنوی تنزلی عام ہوتی جا رہی ہے ۔ یہ بات روز روشن کی واضح ہے کہ اگر ہم نے وقت اس کا سدباب نہ کیا تو ہماری آئندہ آنے والی نسلیں اس کے بھیانک نتائج دیکھے گی۔ اسی ضرورت کو مدنظر رکھتے ہوئے تربیت جیسے موضوع کا انتخاب کیا گیا تاکہ امام زمانہ علیہ السلام کے ظہور کی زمینہ سازی کے لیے ایک صالح معاشرے کے قیام کی طرف بڑھ سکیں۔